"Մեղրու Կանանց Ռեսուրս Կենտրոն" ՀԿ-ն ստեղծվել է 2008թ.-ի հոկտեմբերին ԵԱՀԿ երևանյան գրասենյակի աջակցությամբ և Մեղրու տարածաջրջանի ակտիվ կանանց նախաձեռնությամբ:
"Մեղրու Կանանց Ռեսուրս Կենտրոն" -ը կամավոր հիմունքերով ստեղծված հասարակական կազմակերպություն է, որը բաց է բարի կամքի տեր և հասարակության մեջ կնոջ դերը բարձրացնել և գենդերային անհավասարությունը վերացնել ցանկացող յուրաքանչյուր անհատի համար:
ՄԿՌԿ ՀԿ-ն մեծ հասարակայնություն և վստահություն է ձեռք բերել Մեղրու շրջանում և նրա տարածքից դուրս, քանի որ այստեղ առկա է արհեստավարժություն, թիմային կուռ աշխատանք, փոխըմբռնում, նոր և առաջադեմ մտքերի նկատմամբ ձգտում: Կանայք ընդգրկված են հասարակական-քաղաքական կյանքում: Մատուցվող որակյալ ծառայությունների արդյունում զգալիորեն ավելացել է ՀԿ անդամների, համակիրների և աջակիցների թիվը: Համայնքում կանանց զբաղվածության խնդիրներին ուղղված ծրագրերի արդյունքում տարբեր դասընթացներ և սեմինարներ են կազմակերպվել, որոնց մասնակից կանայք և աղջիկները ձեռք են բերել նոր գիտելիքներ և հմտություններ:
Մեր առաքելությունը`
Համագործակցություն և զարգացում կանանց միջոցով` հանուն հասարակության առաջընթացի
Մեր տեսլականը`
Կանայք ապահովում են հասարակության առաջընթացը և համագործակցությամբ նպաստում համայնքի զարգացմանը:
Մեր արժեքները`
- Թափանցիկություն և հաշվետվություն
- Համագործակցություն և փոխհամագործակցություն
- Արհեստավարժություն
- Հաղորդակցման մշակույթ
- Թիմային աշխատանք
- Ծառայությունների որակ/ մատչելիություն
- Անհատականություն
- Պատասխանատվություն
- Նպատակասլացություն
- Առաջնորդում
- Նորարարություն
- Վստահություն
Մեր նպատակները`
- Նպաստել Մեղրիի տարածաշրջանի կանանց հասարակական ակտիվացմանը, ունակությունների զարգացմանը և իրավագիտակցության բարձրացմանը
- Նպաստել կանանց տնտեսապես անկախացմանը
- Իրականացնել հասարակության տարբերի խավերի շահերի պաշտպանություն
- Նպաստել առողջ ապրելակերպի ձևավորմանը և շրջակա միջավայրի պահպանության խնդիրների լուծմանը
- Նպաստել կանանց փոխհամագործակցության խմբերի ձևավորմանը
- Աջակցել կանանց զբաղվածության ապահովմանը
- Աջակցել միջին և փոքր բիզնեսով զբաղվող և զբաղվել ցանկացող կանանց
- Աջակցել սոցիալապես անապահով, միայնակ մայրերի, ազատամարտիկների և հաշմանդամների ընտանիքներին
- Կազմակերպել մշակութային և այլ տուրեր նպաստելով տարածաշրշանի հասարակական և մշակութային ակտիվացմանը
- Սերտացնել մարզի և արտերկրի երիտասարդության հոգևոր, սոցիալական և տնտեսական կապը
Комментариев нет:
Отправить комментарий